Şənbə , Mart 28 2020
Home / Cəmiyyət / AZƏRTAC Koronavirusla Mübarizəyə Dəstək Fonduna ianə etdi

AZƏRTAC Koronavirusla Mübarizəyə Dəstək Fonduna ianə etdi

Azərbaycan Dövlət İnformasiya Agentliyi (AZƏRTAC) Prezident İlham Əliyevin 2020-ci il 19 mart tarixli Fərmanı ilə yaradılmış Koronavirusla Mübarizəyə Dəstək Fonduna 15 min manat məbləğində vəsait köçürüb.

MediAktiv.az-ın məlumatına görə, AZƏRTAC-ın İdarə Heyətinin qərarına əsasən, həmin vəsait büdcədənkənar hesabdan ödənilib.

Agentliyin kollektivi koronavirusla mübarizədə Azərbaycan xalqı ilə sosial həmrəylik nümayiş etdirir, bu istiqamətdə hökumətin və Nazirlər Kabinetinin yanında Operativ Qərargahın qəbul etdiyi qərarları ictimaiyyətə vaxtında çatdırmaq üçün səylərini əsirgəmir.

Ümumdünya Səhiyyə Təşkilatının pandemiya elan etdiyi bu xəstəliyin yayılmasının qarşısının alınması Prezident İlham Əliyevin və birinci xanım Mehriban Əliyevanın diqqət mərkəzindədir və mühüm tədbirlər görülür. Əminik ki, dövlətimiz tərəfindən həyata keçirilən ciddi profilaktik və preventiv tədbirlər öz müsbət nəticəsini verəcək.

Həmçinin oxuyun

Azərbaycan təhlükəsizlik orqanlarının yaranmasının 101 illiyi qeyd olunur

Bu gün Azərbaycan təhlükəsizlik orqanlarının yaranmasının 101 illiyi qeyd olunur. 1919-cu il martın 28-də Azərbaycan …