Çərşənbə , Avqust 5 2020
Home / Cəmiyyət / Bir qrup rusiyalı həkim pandemiya ilə mübarizədə kömək etmək üçün Azərbaycana gəlir

Bir qrup rusiyalı həkim pandemiya ilə mübarizədə kömək etmək üçün Azərbaycana gəlir

İ.M.Seçenov adına Birinci Moskva Dövlət Universitetinin bir qrup rusiyalı mütəxəssis və könüllü həkimlər koronavirus pandemiyasına qarşı mübarizədə kömək etmək üçün Azərbaycana gediblər.

MediAktiv.az-ın məlumatına görə, bu barədə Rusiya Səhiyyə Nazirliyinin mətbuat xidməti bildirib.

Məlumata əsasən, rusiyalı həkimlər Azərbaycan Respublikasının tibb işçiləri üçün məsləhətləşmələr aparacaq, xüsusi problemli bölgələrdə tibbi xidmətin göstərilməsi işinin təşkilinə köməklik göstərəcək, respublikada epidemioloji vəziyyəti sabitləşdirmək üçün ambulator və xəstəxana mərhələlərində koronavirus infeksiyasının müalicəsi ilə bağlı Rusiya təcrübəsi və yanaşmaları ilə bölüşəcəklər.

Həkim briqadasının tərkibinə pulmonoloqlar, revmatoloq və epidemioloq da daxil olmaqla beş mütəxəssis daxil olub. Qrupa Seçenov Universitetinin pulmonologiya kafedrasının müdiri, Rusiya Səhiyyə Nazirliyinin baş ştatdankənar pulmonoloqu Sergey Avdeev rəhbərlik edir:

“Seçenov Universitetinin həkimləri ilə birlikdə Azərbaycana Moskvanın tibb müəssisələrində, Odintsov, Norilskdə yaşayan və işləyən 17 həkim yola düşüb”.

Həmçinin oxuyun

Bakıda istifadəyə yararlı çimərliklərin siyahısı açıqlandı

Xəzər Kompleks Ekoloji Monitorinq İdarəsinin və Respublika Gigiyena və Epidemiologiya Mərkəzinin əməkdaşları çimərliklərdə monitorinqlər keçirib, dəniz …