Çərşənbə axşamı , İyun 2 2020
Home / Cəmiyyət / FHN: “Sədərək”dəki yanğın 600-700 kvadratmetr sahəni əhatə edib

FHN: “Sədərək”dəki yanğın 600-700 kvadratmetr sahəni əhatə edib

Fövqəladə Hallar Nazirliyi (FHN) Bakı şəhərinin Qaradağ rayonu, Lökbatan qəsəbəsində yerləşən “Sədərək” Ticarət Mərkəzindəki yanğınla bağlı məlumat yayıb.

Nazirlikdən verilən xəbərə görə, MediAktiv.az xəbər verir ki , “112” qaynar telefon xəttinə, Bakı şəhərinin Qaradağ rayonu, Lökbatan qəsəbəsində yerləşən Sədərək Ticarət Mərkəzində yanğın olması barədə məlumat daxil olub.

Dərhal Nazirliyin Dövlət Yanğından Mühafizə Xidmətinin, Mülki Müdafiə Qoşunlarının, Xüsusi Riskli Xilasetmə Xidmətinin müvafiq qüvvələri və Aviasiya Dəstəsinin 2 helikopteri hadisə yerinə cəlb olunub. İlkin məlumata əsasən, yanğın ayaqqabı satışı mağazalarında baş verib. Yanğın 600-700 kvadratmetr sahəni əhatə edib.

Yanğın saat 08:57-də məhdudlaşdırılıb, saat 09:05-dəsöndürülüb.

Hazırda yanğın yerində soyutma və kiçik konstruktiv materialların söndürülməsi işləri davam etdirilir. Əlavə məlumat veriləcək.

Həmçinin oxuyun

Uşaqlar nurlu sabahımız, xoşbəxt gələcəyimizdir

Uşaqlar hər bir xalqın, dövlətin ən qiymətli sərvəti, gələcəyi,  hər evin, ailənin bəzəyidirlər. Elə buna …