Bazar ertəsi , İyul 13 2020
Home / Cəmiyyət / Muxtar respublikada proqnoz tapşırığa əməl olunub

Muxtar respublikada proqnoz tapşırığa əməl olunub

Dövlət büdcəsinə vergi daxilolmalarının təmin olunması, vergitutma bazasının genişləndirilməsi, səmərəli vergi inzibatçılığının və vergi nəzarətinin həyata keçirilməsi, vergi qanunvericiliyinə edilmiş dəyişikliklərdən irəli gələrək vergi uçotunun düzgün qurulması Vergilər Nazirliyinin əsas fəaliyyət istiqamətlərindən biridir.

Naxçıvan Muxtar Respublikası Vergilər Nazirliyinin mətbuat xidmətindən NAXCİVANXEBERLERİ.COM-a verilən məlumata görə, 2019-cu ilin noyabr ayında Naxçıvan Muxtar Respublikasının Vergilər Nazirliyi üzrə müəyyənləşdirilmiş proqnoz 115,7 faiz icra edilib ki, bu da ötən ilin müvafiq dövrü ilə müqayisədə 12,3 faiz artıb. Daxil olmuş vəsaitlərin mənbəyinə gəldikdə isə, onların 30,4 faizi dövlət sektorunun, 69,6 faizi isə özəl sektorun payına düşüb.
Qeyd edilən dövrdə məcburi dövlət sosial sığorta ödəmələri sahəsində vətəndaşlarla və vergiödəyiciləri ilə keçirilən maarifləndirici görüşlər öz səmərəsini verib və bu sahədə vergi daxilolmaları əhəmiyyətli dərəcədə artıb. Belə ki, məcburi dövlət sosial sığorta haqları üzrə proqnoza 134,1 faiz, işsizlikdən sığorta üzrə proqnoza isə 119,5 faiz əməl edilib.
Muxtar respublikada sahibkarların fəaliyyəti üçün yaradılmış hərtərəfli şərait, əlverişli biznes və investisiya mühitinin nəticəsidir ki, Vergilər Nazirliyinin “bir pəncərə” qeydiyyat sistemi vasitəsi ilə 2019-cu ilin noyabr ayında 6 hüquqi şəxs dövlət qeydiyyatına və 251 fiziki şəxs sahibkarlıq uçotuna alınıb. Sahibkarlıq uçotuna alınan fiziki şəxslərin 72,1% muxtar respublikanın rayonlarının payına düşüb.

Həmçinin oxuyun

İdeyalarını reallaşdırmaq istəyənlər üçün fürsət: “EduHack” hakatonu

Azərbaycan Dövlət İqtisad Universiteti (UNEC), INNOLAND İnkubasiya və Akselerasiya Mərkəzi və SUP.VC şirkətinin birgə təşkilatçılığı ilə “EduHack” …