Çərşənbə , Oktyabr 23 2019
Home / Digər / İncəsənət / Tağıyevin heykəlinin qoyulacağı vaxt açıqlandı – ÖZƏL

Tağıyevin heykəlinin qoyulacağı vaxt açıqlandı – ÖZƏL

Hacı Zeynalabdin Tağıyevin heykəlinin Novruz bayramında qoyulması planlaşdırılır.

Bunu heykəlin layihə rəhbəri, Xalq rəssamı Xanlar Əhmədov deyib.

Xanlar Əhmədov artıq heykəlin hazırlanması prosesinin başladığını bildirib:

“İşlərə başlanılıb. Hətta heykəlin dəqiq yeri və ölçüləri müəyyənləşib. Hazırda heykəlin işçi modelini hazırlayıram. Ondan sonra heykəl hazırlanacaq. Heykəlin Novruz bayramında hazır olması planlaşdırılır”.

Xatırladaq ki, Hacı Zeynalabdin Tağıyevin “İçərişəhər” metrostansiyası yaxınlığındakı meydançada (İstiqlaliyyət küçəsi) ucaldılacaq heykəli üç metr hündürlüyündə olacaq.

Ayaqüstü olacaq heykəl tunc, qırmızı və qara qranitdən hazırlanacaq.

Qeyd edək ki, Mədəniyyət Nazirliyi, Bakı Şəhər İcra Hakimiyyəti və Heydər Əliyev Fondunun Hacı Zeynalabdin Tağıyevin heykəlinin hazırlanması ilə bağlı keçirdiyi açıq heykəltəraşlıq müsabiqəsinə təqdim olunan 26 layihə arasından Xanlar Əhmədovun layihəsi qalib olub.

Həmçinin oxuyun

Marneulidə azərbaycanlılar üçün konsert təşkil olundu – FOTO

Heydər Əliyev Fondu, Azərbaycan Respublikasının Diasporla İş üzrə Dövlət Komitəsi və Azərbaycanın Gürcüstandakı səfirliyi tərəfindən …