Çərşənbə axşamı , İyul 23 2019
Home / iqtisadiyyat / Nazir: Manat öz yerini tapmaqdadır

Nazir: Manat öz yerini tapmaqdadır

“Azərbaycanda makroiqtisadi sabitliyin təmin edilməsi, xarici şokların təsirinin ölkə iqtisadiyyatına təsirinin azaldılması istiqamətində ciddi addımlar atılır”.
Bunu iqtisadiyyat naziri Şahin Mustafayev Azərbaycan – Avropa İttifaqı biznes forumunda çıxışı zamanı deyib.
Onun sözlərinə görə, görülən tədbirlər nəticəsində bu ilin əvvəlindən milli valyutanın məzənnəsi möhkəmlənib: “Manatın məzənnəsi sabitləşib. Milli valyutamız öz yerini tapmaqdadır”.
Bank sektorunun sağlamlaşdırılmasının mühüm vəzifələrdən biri olduğunu deyən Ş.Mustafayev əlavə edib ki, bu istiqamətdə ciddi addımlar atılır. “Biz bank sistemindən irəli addımlar gözləyirik. Biznes subyektlərinin maliyyə resurslarına çıxışının asanlaşdırılmasını mühüm vəzifə hesab edərək bu istiqamətdə bankların sağlamlaşdırılması ilə bağlı addımların sürətləndirilməsi əzmindəyik”, – deyə nazir vurğulayıb.

///APA

Həmçinin oxuyun

Ekoloji qanunvericiliyin pozulmasına görə 32 min manatdan çox ödəmə tətbiq edilib

1-15 avqust tarixlərində Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları tərəfindən ölkə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir