Bazar ertəsi , İyul 26 2021
Home / Dünya / İrandan qayıdan daha üç Azərbaycan vətəndaşında koronavirus tapıldı – Operativ qərargah

İrandan qayıdan daha üç Azərbaycan vətəndaşında koronavirus tapıldı – Operativ qərargah

İran İslam Respublikasından qayıdan Azərbaycan Respublikasının üç vətəndaşında koronavirus infeksiyasına yoluxma faktı qeydə alınıb.

Bu barədə MediAktiv.az-a Nazirlər Kabineti yanında Operativ Qərargahdan məlumat verilib.

Onlardan biri, 1938-ci il təvəllüdlü vətəndaş İrandan qayıtdıqdan bir müddət sonra səhhətində yaranmış problemlə əlaqədar xəstəxanaya müraciət edib. Müayinə zamanı onda pnevmoniya müəyyən edilib, laborator analiz isə koronavirus infeksiyasına yoluxma faktını təsdiqləyib. Hazırda pasiyentin vəziyyəti kafidir.

Digər iki şəxs – 1993-cü və 1994-cü il təvəllüdlü, İranın Qum şəhərində təhsil alan tələbələr İran-Azərbaycan sərhədini keçərkən karantinə alınıb və müayinə zamanı onlarda da koronavirus infeksiyası aşkarlanıb. Onların səhhəti normaldır, hərarətləri yoxdur, vəziyyətləri kafidir.

Xüsusi rejimli xəstəxanalara yerləşdirilən hər üç pasiyentin müalicəsi ilə bağlı müvafiq tədbirlər həyata keçirilir.

Həmçinin oxuyun

ABŞ Əfqanıstana 7 döyüş helikopteri verib

ABŞ Əfqanıstan hakimiyyətinə 7 döyüş helikopteri tədarük edib. MEDİAKTİV.AZ “Sputnik Afqanistan”a istinadən xəbər verir ki, bu …