Bazar , İyul 12 2020
Home / Dünya / Maraqlı / Süni zəka 27 il əvvəl itmiş uşağı tapdı

Süni zəka 27 il əvvəl itmiş uşağı tapdı

  Üz tanıma texnologiyasından istifadə edən “Baidu” şirkəti 33 yaşlı Çin sakininə öz ailəsini tapmaqda kömək edib.

  Mediaktiv.az Oxu.Az-a istinadən xəbər verir ki, alqoritm, üz cizgilərini 99% dəqiqliklə qarşılaşdırır və itmiş uşaqların tapılması məsələsində yeni həll üsulu təklif edir. 1990-cı ildə məktəbdən evə qayıtmalı olan 6 yaşlı Fu Gui oğurlanıb.

  2009-cu ildə o, öz uşaqlıq fotoşəklini “Baobeihuijia” adlı saytda paylaşıb. Bu sayt xeyriyyəçilik ilə məşğul olan təşkilat tərəfindən yaradılıb və əsas məqsədi itmiş uşaqların öz ailələrini tapmağa kömək etməkdir.

    Bu ilin yanvarda isə Guinin digər bir uşaqlıq fotosunu onun əsl atası Fu Guanfa paylaşıb. Fu Guinin paylaşdığı fotoda onun 10 yaşı, atasının paylaşdığı fotoda isə 4 yaşı var. Yaş fərqinin olmasına baxmayaraq, “Baidu”nun üz tanıma texnologiyası uyğunluğu qarşılaşdırıb. Fu Gui “Baidu”dan fotoya və təsvirə uyğun variantları əldə edib. DNT testi isə onun bioloji valideynlərinin kim olduğunu dəqiqliklə təsdiqləyib.

Həmçinin oxuyun

Bu həftəsonu növbəti Ay tutulması olacaq

Bu ilin üçüncü Ay tutulması hadisəsi iyulun 5-də baş verəcək. MediAktiv.az xəbər verir ki, yarımkölgəli …