Şənbə , Yanvar 16 2021
Home / Dünya / Parisdə polislə aksiyaçılar arasında qarşıdurma olub

Parisdə polislə aksiyaçılar arasında qarşıdurma olub

Fransanın paytaxtı Parisdə “Qlobal təhlükəsizlik haqqında” Qanun layihəsinin 24 maddəsinə qarşı yeni genişmiqyaslı aksiya keçirilib.

Bu barədə MediAktiv.az “RİA Novosti”yə istinadən xəbər verir.

Bildirilir ki, aksiya zamanı polislərə daşlar və digər əşyalar atılıb. Buna görə də, polis əməkdaşları ilə etirazçılar arasında qarşıdurma yaranıb.

Yürüş Port-de-Lila limanından başlanıb və “Republika” meydanına doğru yönəlib. Etirazçılar arasında adətən aksiyalarda qarışıqlıqlar yaradan qara paltarlı adamlar da olub.

Yerli vaxtla saat 15:00-də (Bakı vaxtı ilə saat 18:00-də) vəziyyət gərginləşməyə başlayıb. Polislərə daşlar atılıb, kütlə fişənglər yandırıb. Polis gözyaşardıcı qaz tətbiq edib.

Qeyd edilir ki, bu dəfə aksiyalara daha böyük sayda polis və jandarmlar səfərbər edilib.

Aksiyalar sabah Fransanın başqa şəhərlərində keçiriləcək.

Həmçinin oxuyun

Ərdoğan COVID-19-a qarşı peyvənd edilib

Türkiyə Prezidenti Rəcəb Tayyib Ərdoğan yeni növ koronavirusa (COVID-19) qarşı peyvənd edilib. MEDIAKTIV.AZ xəbər verir ki, …