Bazar , Yanvar 17 2021
Home / Dünya / Siyasət / Elə təəssürat yaranır ki, 12 ballıq zəlzələ olub – “Associated Press” Ağdamdan yazdı

Elə təəssürat yaranır ki, 12 ballıq zəlzələ olub – “Associated Press” Ağdamdan yazdı

“Associated Press” agentliyi erməni işğalı nəticəsində Ağdam şəhərindəki dağıntılar barədə məqalə dərc edib.

MediAktiv.az-ın məlumatına görə, məqalədə qeyd olunur ki, şəhərin azad olunmasının sevinci azərbaycanlıların qarşılaşdığı dağıntıların üzüntüsü ilə əvəz olunur.

Məqalədə şəhərin əsas görməli yerlərindən olan Çörək muzeyi, eləcə də konyak zavodunun dağıdılması xüsusi qeyd olunub.

Uzun fasilədən sonra şəhəri ilk dəfə görən 63 yaşlı Ağdam sakini Arif Hacıyev bildirib ki, şəhərdəki evlərdən, mehmanxanalardan, inzaibati binalardan əsər-əlamət qalmayıb:

“Elə təəssürat yaranır ki, 12 ballıq zəlzələ baş verib”.

61 yaşlı Nəsibə Zamanova isə bildirib ki, doğma evi minalandığı üçün oraya daxil olmayıb.

Müəllif vurğulayıb ki, Ağdam şəhərində işğala qədər 50 min nəfər yaşayıb. Evlərinin ağ damları ilə məşhur olmuş şəhər o qədər dağılıb ki, indi oranı “Qafqazın Hirosiması” adlandırırlar.

Həmçinin oxuyun

Ceyhun Bayramov Pakistanda Azərbaycan Səfirliyini ziyarət edib

Xarici işlər naziri Ceyhun Bayramov Pakistana rəsmi səfəri çərçivəsində AR-in İslamabaddakı Səfirliyini ziyarət edib MEDIAKTIV.AZ bu …