Cümə axşamı , Aprel 22 2021
Home / Dünya / Siyasət / Kremldəki mənbələr: Paşinyan istefa versə belə, Qarabağ bəyanatları qüvvədə qalacaq

Kremldəki mənbələr: Paşinyan istefa versə belə, Qarabağ bəyanatları qüvvədə qalacaq

“Əgər Nikol Paşinyan Ermənistanın baş naziri postundan gedərsə, Kreml bunu “rejimin meydanlarda dəyişdirilməsinə inananlara yaxşı dərs” hesab edəcək və hadisələrin bu cür inkişafında Rusiyaya problem yaradacağını inanmır”.

MEDİAKTİV.AZ xəbər verir ki, bunu “Open Media”ya Kremlə yaxın 2 mənbə bildirib.

Mənbələrdən biri vurğulayıb ki, Ermənistandakı mövcud böhran inqilabların struktur problemlərin dərmanı olmadığını göstərir: “Belə bir hakimiyyət dəyişikliyi həyat keyfiyyətini yaxşılaşdırmır, əksinə daha da pisləşdirə bilər. Bundan başqa, Paşinyandan əvvəl Ermənistan Cənubi Qafqazda Rusiyanın etibarlı müttəfiqi idi və çoxşaxəli yanaşması ilə hazırkı rəhbərlik Lukaşenkonun davranışını xatırladır”.

Mənbənin sözlərinə görə, N.Paşinyan postu tərk etməsə, İkinci Qarabağ müharibəsində Azərbaycanın qarşısında uğradığı məğlubiyyəti Rusiyanın yardımı olmaması ilə əsaslandırmağa davam edəcək.

Başqa bir Kreml rəsmisinin fikrincə, Yerevandakı hakimiyyət dəyişikliyi Qarabağla bağlı razılaşmalara zərər verməyəcək, çünki Ermənistan cəbhədəki vəziyyəti kökündən dəyişdirmək üçün resurslara sahib deyil. Bununla belə, rəsmi Moskva Ermənistanın daxili işləri məsələsində bitərəf qalacaq.

Həmçinin oxuyun

Azərbaycan XİN Ermənistan XİN-ə cavab verib

“Azərbaycan Respublikasının Prezidenti hər zaman olduğu kimi, fikirlərini kifayət qədər aydın və konkret şəkildə ifadə …