Cümə axşamı , Noyabr 21 2019
Home / Dünya / Siyasət / Prezident: Bu gözəl yaşayış yerini özəl sektor inşa edib, bu da bir yenilikdir

Prezident: Bu gözəl yaşayış yerini özəl sektor inşa edib, bu da bir yenilikdir

Bu gözəl yaşayış yerini özəl sektor inşa edib. Bu da bir yenilikdir. Çünki bu günə qədər 100-dən çox şəhərciyi Dövlət Neft Fondunun xətti ilə tikmişik. Mən çağırış etmişdim ki, Azərbaycanda böyük şirkətlər sosial məsuliyyət daşımalıdırlar. Demişdim ki, imkanlı sahibkarlar ağır vəziyyətdə yaşayanlara əl uzatmalıdırlar və şadam ki, mənim çağırışıma özəl qurumlar müsbət reaksiya verib.

AZƏRTAC xəbər verir ki, bu barədə Prezident İlham Əliyev oktyabrın 8-də Bakının Qaradağ rayonunda məcburi köçkünlər üçün salınmış “Qobu Park-2” yaşayış kompleksinin açılışında danışıb.

“Qobu-1”, “Qobu-2” və bu gün tikilməkdə olan “Qobu-3” yaşayış komplekslərinin 100 faiz özəl sektorun hesabına salındığını bildirən dövlətimizin başçısı deyib: “Mən bu fürsətdən istifadə edərək, bütün Azərbaycan şirkətlərinə, – kimin böyük imkanı var, kimin o qədər də böyük imkanı yoxdur, – deyirəm ki, həmrəylik göstərməlidirlər, sosial məsuliyyət daşımalıdırlar.

Bizim cəmiyyətimizdə qeyri-bərabərlik, təbəqələşmə, kasıblar olmamalıdır. Yoxsulluqla bağlı mübarizə indi görün, nə qədər gözəl nəticə verir. Bütün aparıcı beynəlxalq maliyyə qurumları bunu qeyd edir. Azərbaycanda yoxsulluq 5 faiz səviyyəsindədir, o da olmamalıdır. Amma biz bilirik ki, bəzi inkişaf etmiş ölkələrdə yoxsulluğun səviyyəsi 10-15 faizdir. Yəni, bu, sadəcə olaraq, necə deyərlər, müqayisə üçün səslənən rəqəmdir”.

Özəl sektora dövlətin böyük kömək göstərdiyini, kreditlər verdiyini, şərait yaratdığını, infrastruktur layihələrini icra etdiyini vurğulayan Prezident İlham Əliyev sahibkarları məcburi köçkünlərin mənzillə təmin olunması işinə daha fəal qoşulmağa çağırıb.

Həmçinin oxuyun

Çavuşoğlu Avropa Parlamentinin rəhbəri ilə görüşündən sonra onu ikiüzlülükdə ittiham etdi

Türkiyənin xarici işlər naziri Mövlud Çavuşoğlu Avropa Parlamentinin rəhbəri David Sassolinin onunla görüşündən sonra verdiyi …