Çərşənbə , Fevral 26 2020
Home / Dünya / Türkiyədə kritik günə 1 qala!

Türkiyədə kritik günə 1 qala!

  Aprelin 16-da Türkiyədə Konstitusiya dəyişikliyi ilə əlaqədar referendum keçiriləcək.

  Mediaktiv.az Oxu.Az-a istinadla məlumatına görə, səsvermə ölkənin əksər bölgələrində yerli vaxtla saat 08:00-17:00 arasında baş tutacaq. Türkiyənin şərqində və Qara dəniz bölgələrində isə səsvermə yerli vaxtla saat 07:00-da başlayıb, 16:00-da bitəcək.

  Ölkə xaricində yaşayan Türkiyə vətəndaşları artıq səs veriblər. Həmin səslər ölkədə ümumxalq səsverməsinin nəticələri ilə eyni vaxtda açıqlanacaq.

  Referendumda Konstitusiyanın 18 maddəsinin dəyişdirilməsi nəzərdə tutulub. Bunlar Türkiyədə parlament idarəçilik sistemindən prezident üsul-idarəsinə keçid, baş nazir vəzifəsinin ləğvi, Böyük Millət Məclisi üzvlərinin sayının 550 nəfərdən 600 nəfərə qədər artırılması, millət vəkili seçilmə yaşının 18-ə endirilməsi, Məhkəmə-Hüquq Şurasının səlahiyyətlərinin dəyişdirilməsi və digər maddələrdir.

  Türkiyənin hakim Ədalət və İnkişaf Partiyası (AKP), Milliyyətçi Hərəkat Partiyası dəyişikliyi dəstəkləsə də, Cümhuriyyət Xalq Partiyası (CHP) bunun əleyhinədir.

Həmçinin oxuyun

Dəməşqdə güclü partlayış oldu, ölən və yaralananlar var

Suriyanın paytaxtı Dəməşq şəhərində minalanmış avtomobil partladılıb.  MediAktiv.az İHA-ya istinadən xəbər verir ki, hadisə paytaxtın …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir