Bazar , İyul 12 2020
Home / İdman / İlk sıra “Mercedes”in

İlk sıra “Mercedes”in

Paytaxt Bakıda təşkil olunan “Formula-1” üzrə Azərbaycan Qran-prisində komandaların sıralama yarışı başa çatıb. Bir saat davam edən yarışda 10 komandanın 20 deyil, 19 pilotu mübarizə aparmalı olub.

Çünki “Renault”un pilotu Colion Palmerin üçüncü sərbəst yarışda yanacaq sızması səbəbindən bolidinin mühərriki qəfil alışıb. Avtomobilin mühərriki tam yararsız hala düşdüyündən onun dəyişdirilməsinə ehtiyac yaranıb. Lakin bu, sıralama turuna kimi mümkün olmayıb. Digər 19 pilot isə öz bolidləri ilə 6 kilometrlik Bakı trekində sabahkı sıralamanı müəyyənləşdirməyə çalışıblar. Ən yaxşı göstəriciyə “Mercedes”in pilotu Luis Hamilton imza atıb. Liderliyi qazanan idmançı 1:40.593 dəqiqəlik göstərici ilə sabah yarışa ilk pillədə başlayacaq. Hamiltonun komanda yoldaşı Valterri Bottas start xəttində  onu izləyərək ikinci yerdə dayanacaq. “Ferrari”nın pilotu Kimi Raykkonen isə 3-cü yerdə yarışa start verəcək.

Həmçinin oxuyun

Nüfuzlu futbol turnirlərinin başlama vaxtı açıqlandı

Koronavirus pandemiyası səbəbindən təxirə salınan Libertadores və Cənubi Amerika Kubokunda yeni mövsümün başlama tarixi açıqlanıb. MediAktiv.az Cənubi …