Çərşənbə , Sentyabr 16 2020
Home / İdman / İtaliyalı gimnastlar Bakıya xüsusi razılıq əsasında gələcək

İtaliyalı gimnastlar Bakıya xüsusi razılıq əsasında gələcək

Bakıda keçiriləcək İdman Gimnastikası üzrə FIG Dünya Kubokunda İtaliyanın iki təmsilçisi çıxış edəcək.

MediAktiv.az “Sportface” nəşrinə istinadən xəbər verir ki, Vanessa Ferrari və Lara Mori koronavirusa görə İtaliya hökümətinin məhdudiyyətlərinə baxmayaraq, Azərbaycandakı yarışa qatılacaqlar.

Hər iki gimnast İtaliya Milli Olimpiya Komitəsinin imzaladığı xüsusi razılıq əsasında Dünya Kubokunun üçüncü mərhələsində mübarizə aparacaq. Bakıdakı yarışın Tokio-2020 Yay Olimpiya Oyunlarına lisenziya xarakteri daşıması səbəbindən belə bir addım atılıb. 

Qeyd edək ki, Dünya Kuboku 12 – 15 martda Milli Gimnastika Arenasında olacaq. Vanessa Ferrari 1 dəfə dünya, 4 dəfə isə Avropa çempionu olub. La Mori isə ötən il İtaliyanın Neapol şəhərində təşkil olunmuş Universiadada gümüş və bürünc medal qazanıb.  

Həmçinin oxuyun

Dünyanın ən çox qazanan futbolçusu müəyyənləşdi

“Forbes” jurnalı 2020-ci ilin ən çox qazanan futbolçularının siyahısını açıqlayıb. MediAktiv.az xəbər verir ki, reytinqə …