Bazar , Yanvar 17 2021
Home / iqtisadiyyat / Naxçıvan Avtomobil Zavodunda “NAZ Lifan-X70” və “FAW T-33” avtomobillərinin istehsalı davam edir-FOTO

Naxçıvan Avtomobil Zavodunda “NAZ Lifan-X70” və “FAW T-33” avtomobillərinin istehsalı davam edir-FOTO

Tələbat artdığı üçün Naxçıvan Avtomobil Zavodunda “NAZ Lifan-X70” modellərinin yığımına yenidən başlanılıb.

MediAktiv.az xəbər verir ki, hazırda bu modeldə olan avtomobillərdən 60-nın yığımı davam edir. Zavodun baş mühəndisi Rəhim İsmayılovun verdiyi məlumata görə, avtomobillərdən 20-si avtomatik, qalanları isə mexaniki sürət qutusu ilə təchiz olunacaq. Avtomobillərin dekabr ayında satışa çıxarılması nəzərdə tutulub.

Bundan əlavə, Çinin “FAW Industrial Group” avtomobil istehsalçısı ilə bağlanmış müqaviləyə əsasən, hazırda zavodda “FAW T-33” avtomobillərinin yığımı da həyata keçirilir.

Satışa çıxarılacaq avtomobillər üçün güzəştli kampaniyalar da də nəzərdə tutulub.

Hazırda avtomobil zavodunda və “Cahan” avtomobil salonlarında satış davam etdirilir. “FAW T-33” modellərini 31 min manata və ya 25 faiz ilkin ödənişlə, 36 ayadək kreditlə əldə etmək mümkündür. “NAZ Lifan-X70” modelini isə avtomat sürət qutusu ilə təchiz olunanı 32 min, mexaniki sürət qutusu ilə təchiz ediləni isə 28 min manata əldə etmək mümkündür. Bu modelləri isə 20 faiz ilkin ödəniş etməklə 48 aylıq kredit şərtləri ilə satışa çıxarılır.

Qeyd edək ki, Naxçıvan Avtomobil Zavodu 2010-cu il yanvarın 11-dən fəaliyyət göstərir. Zavodda Almaniya, İtaliya və Belçikadan gətirilmiş müasir texnoloji avadanlıqlar quraşdırılıb.

Həmçinin oxuyun

Azərbaycanda qızıl və gümüş bahalaşıb

Azərbaycanda qızıl və gümüş bahalaşıb. MEDIAKTIV.AZ -ın məlumatına görə, yanvarın 12-də qızılın qiyməti yanvarın 11-i ilə …