Bazar ertəsi , Aprel 6 2020
Home / Manşet / Nikahın etibarsız sayılmasını aradan qaldıran hallar hansılardır?

Nikahın etibarsız sayılmasını aradan qaldıran hallar hansılardır?

Azərbaycan Respublikasının Ailə Məcəlləsinə əsasən, nikahın etibarsız sayılması barədə işə baxılanadək nikahın bağlanmasına qanuna görə mane olan hallar aradan qalxdıqda, məhkəmə həmin halların aradan qalxdığı vaxtdan nikahı etibarlı hesab edə bilər. Yetkinlik yaşına çatmayan ərin (arvadın) mənafeyi tələb etdikdə, eləcə də nikahın etibarsız sayılması barədə onun razılığı olmadıqda, nikah yaşına çatmayan şəxslə bağlanmış nikahın etibarsız sayılması barədə iddianı məhkəmə rədd edə bilər.

 Saxta nikaha daxil olmuş şəxslər məhkəmədə işə baxılana qədər faktiki olaraq ailə qurublarsa, məhkəmə nikahı saxta hesab edə bilməz. Ər-arvad arasında nikah bağlanması üçün qanunla qadağan olunmuş qohumluq halları və ya nikah bağlanarkən onlardan birinin başqa şəxslə pozulmamış nikahda olduğu hallar istisna olmaqla, əvvəllər pozulmuş nikah sonradan etibarsız sayıla bilməz.

 Qeyd:Sualları Naxçıvan Muxtar Respublikası Ədliyyə Nazirliyinin Qanunvericilik bölməsinin əməkdaşları cavablandırır.

Həmçinin oxuyun

Ermənistanda dövlət rəsmisi döyüldü

Ermənistanda döyülmə hadisəsi baş verib. MediAktiv.az  xəbər verir ki, bu barədə “Shamshyan.com” bildirib. Bildirilir ki, hadisə …