Çərşənbə axşamı , Avqust 11 2020
Home / Şou-biznes / Röyanın instaqram hesabında odlu-alovlu çıxışı

Röyanın instaqram hesabında odlu-alovlu çıxışı

Əməkdar artist Röya Ayxan instaqram hesabından odlu-alovlu çıxış edib.

Radioların yerli mahnılar yerinə xarici mahnılara üstünlük verməsi sənətçini özündən çıxarıb. O, bütün radioları sərt şəkildə qınayıb:

“Doğrudan da biabırçılıqdır. Soruşun niyə? Maşında gedirəm və artıq 5-ci radioya çevirmişəm ki, türk mahnıları oxunur. Görəsən, biz bu qədər pul buraxırıq, bunların haqqını kim verəcək? Dörd gecədir Nihat Odabaşı ilə klip çəkirik. Sonra da yekə-yekə deyirik ki, türklər gəlir Bakıya bizimkiləri tanımır. Bizimkilər onların əlindən öpür. Düzdür, mən öpməmişəm. Amma öpənlərimiz çox olub. Radiolara səslənib deyirəm ki, ya işinizi bilin, ya da “işinizi bilin”! Çünki adam sizin üçün heç mahnı da oxuyub vermək istəmir. Ona görə də sonra deməyin ki, bizi heç kim görmür, saymır. Siz özünüz özünüzü saymırsınız. Sizə uğurlar olsun, qınından çıxıb qınını bəyənməyənlər!”

O, daha sonra türklərlə işbirliyi etməsinin səbəbini də açıqlayıb:

“Məni sevənlərə hörmət edərək, bu pullar buraxılır ki, illər sonra internetdə yaxşı klip izləsinlər”.

Əsəbi soyumayan Əməkdar artist daha sonra Milli Televiziya və Radio Şurasının direktoru Nuşirəvan Məhərrəmliyə müraciət edib:

“Burdan Nuşirəvan müəllimə müraciət edirəm, xahiş edirəm ki, televiziyalarda klip saatı ayrılsın. Bizə bu dərəcədə hörmətsizlik olmaz. Sizi başa düşürəm, Nuşirəvan müəllim. Başınız ən çox keyfiyyətli və maraqlı olsun deyə verilişlərə qarışıb. Amma biz “əldən gedirik”, belə olmaz. Bütün sənət dostlarım mənimlə razı olacaqlar. Kim qorxaqdırsa, razı olmasın”.Publika.az

Həmçinin oxuyun

Kıvanç Tatlıtuğ yeni paylaşımı ilə gündəmi silkələdi – FOTO

Türkiyəli aktyor Kvanç Tatlıtuğ üç ay aradan sonra səssizliyi pozaraq paylaşım edib. MediAktiv.az Oxu.Az – a …