Bazar ertəsi , Aprel 6 2020
Home / Şou-biznes / “Təyyarədə mahnı oxudum, pulumu vermədilər”

“Təyyarədə mahnı oxudum, pulumu vermədilər”

“Ərəbistanda qastroldan qayıdan zaman təyyarədə hadisə baş verdi. Oturmuşdum, bir də gördüm ki, təyyarə çox pis silkələnir. Çox bərk qorxdum”. 

MediAktiv.az xəbər verir ki, bu barədə meyxanaçı, müğənni Samirə Yusifqızı “Ona qalsa” proqramında qonaq olarkən deyib. O, təyyarədə başına gələn həyəcanlı hadisədən danışıb:

“Texnik əlində açarla təyyarənin arxa tərəfinə keçdi. Dəhşət xışıltılı səslər gəlirdi. Dedim ki, nəsə olacaq, sən özün qoru Allah. Bir də gördüm ki, bələdçi xanım mənə yaxınlaşdı ki, Samirə xanım sizi pilot çağırır, mümkünsə gələrdiz. Düşündüm ki, yüz faiz təyyarə gedir… Bunlar da insanları təlaşlandırmamaq üçün məndən oxumağımı istəyirlər. İndi əlim-ayağım əsə-əsə orada oxuya bilərəm? Bələdçinin yanında oturmuşam, gözümdən də yaş gəlir ki, mənim həyatım burda bitdi. Düşünürəm ki, uşaqlarım yetim qaldı, gözümün qabağına ailəm gəldi.

Bələdçi mikrofonu ilə 2-3 mahnı oxudum və gördüm camaat əl çalır. Bələdçi qız gəldi ki, Samirə xanım, sizdən üzr istəyirik. Sən demə, uçduğumuz kampaniyanın rəhbəri ailəsi ilə orada uçur. Onlar da məni tanıyırlar, ailə məclisində olmuşam. Deyiblər ki, Samirə xanımı çağırın oxusun, təyyarədə keflə, musiqi ilə uçaq. Mən də elə bilirəm təyyarə qəzaya düşür. Təzədən bələdçinin yanına getdim və mikrofonu əlindən alıb dedim ki, indi zəhmət olmasa hərəniz 5 dollardan yığın. Pulumu vermədilər”.

Həmçinin oxuyun

Kıvanç Tatlıtuğ yeni paylaşımı ilə gündəmi silkələdi – FOTO

Türkiyəli aktyor Kvanç Tatlıtuğ üç ay aradan sonra səssizliyi pozaraq paylaşım edib. MediAktiv.az Oxu.Az – a …